Տղամարդը Սուրբ Ծննդի առթիվ կնոջը 1500 գլանափաթեթ զուգարանի թուղթ է նվիրել
Այլ
Գերմանիայում տղամարդը Սուրբ Ծննդի առթիվ կնոջը 1500 գլանափաթեթ զուգարանի թուղթ է նվիրել, հայտնում է Bild-ը։
Սուրբ Ծննդյան նախօրեին Բավարիայում բնակվող ընտանիքի տանը կարմիր թղթով փաթաթված նվեր է հայտնվել: 34-ամյա Սանդրա Յունկերը պատռել է փաթեթը և ներսում հայտնաբերել զուգարանի թղթեր: Նրա ամուսինը՝ Ֆլորիանը, 500 եվրո է ծախսել նվերի վրա, սակայն վստահ էր, որ կինը անպայման կգնահատի այն։
«Կինս երկար տարիներ է՝ զուգարանի թղթի նկատմամբ անտարբեր չէ։ Ամեն անգամ, երբ գնում է սուպերմարկետ և տեսնում է անծանոթ պատկերներով զուգարանի գլանափաթեթներ, նա մի փաթեթ գնում է: Օրինակ՝ նա սիրում է տոնածառերով, թռչուններով կամ կատուներով թղթերը»,- ասել է տղամարդը։
Նրա խոսքով՝ վերջին տարիներին իրենց տանը բավական քանակությամբ անհարկի փաթեթավորում է կուտակվել, սակայն Սանդրան միշտ դրանցից ազատվելու միջոց է գտնում, օրինակ՝ ընկերներին ծննդյան օրվա համար զուգարանի թուղթ նվիրելով։
Կնոջը թղթի հավաքածու նվիրելու միտքը նրա մտքում ծագել է դեռ օգոստոսին, և հաջորդ մի քանի ամիսների ընթացքում ամեն անգամ խանութ գնալիս թուղթ է գնել, իսկ երբ վերադառնալուն պես փաթեթները թաքցրել ձեղնահարկում: Նրա կնոջ արձագանքը նվերին, պնդում է Ֆլորիանը, արժեր իր ծախսած յուրաքանչյուր ցենտը:
Ամենադիտված 
Համբալիս գեղի «Օպել»-ն է․ Դանիել Իոաննիսյան
