Գիտնականները պարզել են, թե արդյոք երաժշտությունը կարող է բարելավել արդյունավետությունն աշխատավայրում

Հետազոտողների միջազգային թիմը պարզել է, թե ինչպես են մարդու անհատական ​​հատկանիշներն ազդում աշխատանքի ժամանակ երաժշտություն լսելիս նրա պրոդուկտիվության վրա։ Այս մասին հայտնում է Conversation պորտալը։

Նոր ուսումնասիրությունը ցույց է տվել, որ երաժշտության ընկալումը և աշխատանքի արդյունավետության վրա դրա ազդեցությունը կախված է անհատից: Էքստրավերտները հակված են օգուտ ստանալ երաժշտության կողմից տրամադրվող լրացուցիչ խթանումից, մինչդեռ ինտրովերտները կարող են ճնշում զգալ, ինչը կնվազեցնի նրանց պրոդուկտիվությունը:

Գիտնականներն հայտնել են, որ երաժշտությունը կարող է լինել և՛ օգտակար, և՛ շեղող՝ կախված կատարվող առաջադրանքից և ընտրված ժանրից: Բացի այդ, երաժշտության էֆեկտը տարբերվում է՝ կախված առաջադրանքի բնույթից: Պարզ և սովորական գործերն ավելի հեշտ են դառնում, երբ լսում եք եռանդուն և կազդուրիչ երաժշտություն: Այնուամենայնիվ, երբ խոսքը վերաբերում է բարդ ճանաչողական խնդիրների, ինչպիսիք են կարդալը կամ գրելը, ուշադրությունը շեղող տեքստերը կամ բարձր ձայները կարող են խոչընդոտ դառնալ:

Երաժշտության տեմպը նույնքան կարևոր դեր է խաղում. դանդաղ և հանգիստ մեղեդիները օգնում են կենտրոնանալ, մինչդեռ ագրեսիվ երաժշտությունը կարող է շեղել:

Գիտնականները խորհուրդ են տալիս աշխատանքն սկսելուց առաջ լսել սիրելի երաժշտությունը՝ տրամադրությունը և կենտրոնացումը բարելավելու համար: Նրանք նաև խորհուրդ են տալիս փորձարկել տարբեր ժանրեր և առաջադրանքներ՝ իդեալական հավասարակշռությունը գտնելու համար և երաժշտությունը դարձնել արդյունավետ աշխատանքի համար օգնական։