Իտալիայի վարչապետը Թրամփ-Զելենսկի հանդիպումից հետո ԵՄ-ԱՄՆ հրատապ գագաթնաժողովի կոչ է արել
Աշխարհ
ԱՄՆ նախագահ Դոնալդ Թրամփի և Ուկրաինայի նախագահ Վոլոդիմիր Զելենսկու հանդիպումից հետո Իտալիայի վարչապետ Ջորջիա Մելոնին եվրոպացիներին կոչ է արել թույլ չտալ, որ Վաշինգտոնի հետ տարաձայնությունները խորանան և ասել է, որ Հռոմը ԵՄ-ԱՄՆ գագաթնաժողովի կոչ կանի առաջիկա ժամերին, հայտնում է Politico-ն։
«Անհրաժեշտ է անհապաղ գագաթնաժողով ԱՄՆ-ի, եվրոպական պետությունների և դաշնակիցների միջև, որպեսզի անկեղծ խոսակցություն լինի այն մասին, թե ինչպես ենք մենք մտադիր լուծել մեր ժամանակի լուրջ մարտահրավերները՝ սկսած Ուկրաինայից, որը մենք միասին պաշտպանել ենք վերջին տարիներին», - մեջբերում է պարբերականը Մելոնիի խոսքերը։
Հաղորդվում է, որ մի քանի եվրոպացի առաջնորդներ մտադիր են կիրակի օրը հանդիպել Լոնդոնում՝ Մեծ Բրիտանիայի վարչապետ Քիր Սթարմերի հրավերով, որին ակնկալվում է, որ կմասնակցի Զելենսկին:
Եվրոպական մի շարք առաջնորդներ միաձայն հանդես են եկել՝ պաշտպանելու Զելենսկիին Վաշինգտոնում կայացած հանդիպման ժամանակ Թրամփի կողմից նրա հասցեին հնչեցրած կոշտ քննադատությունից հետո, ԵՄ արտաքին գործերի նախարար Քաջա Կալլասը նույնիսկ ասել է. «Այսօր պարզ դարձավ, որ ազատ աշխարհը նոր առաջնորդի կարիք ունի:
Հանդիպումից հետո Թրամփը լրագրողներին ասել է, որ չի տեսնում Զելենսկու՝ Ռուսաստանի հետ հակամարտությունը լուծելու ցանկությունը։
«Մենք խաղաղություն ենք ուզում, մեզ այս պատերազմը պետք չէ, մեզ ինտրիգներ պետք չեն»,- ընդգծել է նա։
Սպիտակ տան ղեկավարի խոսքով՝ Զելենսկին «ցանկանում է կռվել, կռվել և նորից կռվել, ցանկանում է ստանալ ԱՄՆ-ի աջակցությունը և շարունակել պատերազմը։
Թրամփի և Զելենսկու հանդիպումը տեղի է ունեցել Սպիտակ տան Օվալաձև աշխատասենյակում և ավարտվել է թեժ վեճով։ Արդյունքում՝ Ուկրաինայում օգտակար հանածոների արդյունահանման ոլորտում երկու երկրների համագործակցության մասին համաձայնագիր չի ստորագրվել, չեղարկվել է ղեկավարների համատեղ մամուլի ասուլիսը։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
