Ֆրանսիային ավերիչ ցիկլոն է հարվածել

Հնդկական օվկիանոսում գտնվող ֆրանսիական Ռեյունիոն կղզուն հարվածել է ավերիչ «Գարանս» ցիկլոնը: Աղետի հետևանքով՝ տուժել են տեղի մի քանի բնակիչներ, հայտնում է Reuters-ը։

Քամու առավելագույն արագությունը հասել է վայրկյանում 43 մետրի։ Մեկ մարդ է զոհվել, ևս երկուսը համարվում է անհետ կորած։ Վնասվել են նաև շենքեր, այդ թվում՝ բնակելի։ 180 հազար տնային տնտեսություններ զրկվել են էլեկտրաէներգիայից, շատերը զրկվել են խմելու ջրի հնարավորությունից։

Իշխանությունները հայտնել են, որ փոթորկի ամենավատ փուլը ավարտվել է: Քամու առավելագույն արագությունը իջել է վայրկյանում 36 մետրի։ Փրկարարներն այժմ կարող են դուրս գալ ապաստարանից՝ գնահատելու վնասը և օգնություն ցուցաբերելու տուժածներին: Սակայն մնացած բնակիչներին դեռ թույլ չեն տալիս դուրս գալ փողոց։ Վատ եղանակը սպասվում է մինչև շաբաթ օրվա վերջ՝ մարտի 1-ը։