Ֆրանսիան շարունակում է հետախուզական տեղեկատվություն տրամադրել Ուկրաինային

Ֆրանսիան շարունակում է հետախուզական տեղեկատվություն տրամադրել Ուկրաինային՝ Կիևի հետ իր հետախուզական տվյալների փոխանակումը դադարեցնելու ԱՄՆ որոշման ֆոնին: Այս մասին հայտարարել է Ֆրանսիայի պաշտպանության նախարար Սեբաստյան Լեկորնուն, փոխանցում է РИА Новости-ն։

Միացյալ Նահանգները դադարեցրել է Ուկրաինայի հետ հետախուզական տվյալների փոխանակումը, ինչը կարող է լուրջ խնդիրների հանգեցնել Ուկրաինայի Զինված ուժերի համար ճակատում, հայտնում է Financial Times-ը։ Բացի այդ, ԱՄՆ-ի պնդմամբ, բրիտանացիները կդադարեցնեն նաև ամերիկյան հետախուզության տվյալների փոխանցումը Կիև։ Ուկրաինան հերքում է դա և հայտարարում՝ մարտի 5-ի կեսօրից տեղեկությունը շարունակել է ստացվել, թեև որոշ սահմանափակումներով։

Սպիտակ տունը պաշտոնապես հաստատել է Ուկրաինային ռազմական օգնության դադարեցումը։ Որոշումն ընդունվել է փետրվարի 28-ին՝ Սպիտակ տան Օվալաձև աշխատասենյակում ամերիկացի և ուկրաինացի առաջնորդների վիճաբանությունից հետո։ Ակնկալվում է, որ ԱՄՆ-ը չի օգնի Կիևին, քանի դեռ նա չի ցուցադրել իր պատրաստակամությունը Մոսկվայի հետ խաղաղ բանակցությունների համար։