Սլովակիայի վարչապետը Ուկրաինային մեղադրել է գողության մեջ

Եվրամիությունից Ուկրաինային հատկացված միջոցների կեսը գողացվել է։ Այս մասին Բրյուսել մեկնելուց առաջ Եվրոպական հարցերով հանձնաժողովի նիստում հայտարարել է Սլովակիայի վարչապետ Ռոբերտ Ֆիցոն, գրում է EADaily-ն։

«Գումարի կեսը գողացել են։ Մենք Եվրոպական խորհրդում կրկին կբացենք Ուկրաինայում կոռուպցիայի թեման, չէ որ մենք փող ենք տալիս, ԵՄ-ն ևս, իսկ այդ հսկայական գումարների կեսը ուղղակի կորչում է Ուկրաինայում», - ասել է նա։

Ֆիցոն նաև հավելել է, որ Բրատիսլավան չի աջակցի Եվրահանձնաժողովի նախաձեռնությանը՝ իր բյուջեից միջոցներ հատկացնել Կիևին օգնելու համար:

Նրա խոսքով ՝ ուկրաինական կողմի ֆինանսական աջակցության մասին որոշումները պետք է ընդունվեն ինքնուրույն և հիմնված լինեն Ուկրաինայի հետ երկկողմ համաձայնագրերի վրա:

«Ամփոփիչ հռչակագրում պետք է նշվի, որ Եվրահանձնաժողովը Սլովակիայի և Ուկրաինայի հետ միասին պետք է գազի տարանցումը վերականգնելու միջոց գտնի։ Այդ դեպքում մենք փաստաթուղթը արգելափակելու պատճառ չենք ունենա։ Եթե որևէ ձևով հիշատակում չլինի գազի տարանցման վերականգնման անհրաժեշտության մասին, ես կարգելափակեմ գագաթնաժողովի արդյունքները։ Ես դա ասում եմ շատ հստակ և առանց վարանելու», - հայտարարել է Սլովակիայի վարչապետը։