Սպիտակ տունը նախատեսում է 240,000 ուկրաինացու զրկել ԱՄՆ-ում իրավական կարգավիճակից
ԱՄՆ
Սպիտակ տունը նախատեսում է նոր կանոններ մտցնել, որոնց արդյունքում ԱՄՆ-ում բնակվող 240 հազար ուկրաինացի կկորցնեն իրենց ժամանակավոր իրավական կարգավիճակը:
Ինչպես հաղորդում է Eadaily-ն՝ Reuters-ին հղումով, այս միջոցառումը Դոնալդ Թրամփի վարչակազմի լայնածավալ ծրագրի իրականացման մի մասն է։
Այն կզրկի ավելի քան 1,8 միլիոն միգրանտների իրավական կարգավիճակից, որոնց թույլ է տրվել մուտք գործել Միացյալ Նահանգներ ժամանակավոր ծրագրերի շրջանակներում:
«ԱՄՆ նախագահ Դոնալդ Թրամփի վարչակազմը նախատեսում է չեղյալ համարել հակամարտությունից փախած մոտ 240 հազար ուկրաինացիների ժամանակավոր իրավական կարգավիճակը»,- ասվում է հրապարակման մեջ։
Գործակալությունն ընդգծում է, որ այս միջոցը կարող է ընդունվել արդեն ապրիլին։ Նշվում է, որ ժամանակավոր իրավական կարգավիճակ չունեցող անձինք կարող են ենթարկվել արագացված արտաքսման։
Ավելի վաղ EADaily-ն հայտնել էր, որ ԱՄՆ ներգաղթի և մաքսային մարմինը (ICE) հրապարակել է փաստաթուղթ, ըստ որի մոտ 2808 ՀՀ քաղաքացի արտաքսվելու է ԱՄՆ-ից՝ Թրամփի՝ երկրում անօրինական ներգաղթյալների դեմ քաղաքականության շրջանակներում։
Թարգմանությունը՝ Մանուել Թամազյանի
ՈՒՂԻՂ ԵԹԵՐ
Ամենադիտված 
Ձմերուկը դարձել է չորս հոգանոց ընտանիքի մահվան պատճառ
