Սուրճի համաշխարհային առևտուրը գրեթե կանգ է առել․ Reuters

Ամբողջ աշխարհում սուրճի վաճառողներն ու թրծողները հումքի գների կտրուկ աճի պատճառով գնումները հասցրել են նվազագույնի։ Այս մասին հայտնում է Reuters-ը՝ վկայակոչելով աղբյուրներին։

Հյուսթոնում սուրճ արտադրողների ազգային ասոցիացիայի ամենամյա համագումարում մասնակիցները հայտարարել են, որ սուրճի առևտուրը գրեթե կանգ է առել ICE բորսայում Արաբիկա սուրճի 70 տոկոս թանկացման ֆոնին: Ընդ որում, մանրածախ խանութները հրաժարվում են ընդունել սուրճի թանկացումը։

Էկվադորում ELCAFE C. A.-ի գլխավոր տնօրեն Ռենան Չուեյրիի խոսքով՝ այս տարի Լուծվող սուրճ արտադրողն առաջին անգամ չի կարողացել վաճառել արտադրանքի ակնկալվող տարեկան ծավալը մինչեւ մարտ:

Գների աճը պայմանավորված է սուրճի հիմնական մատակարարների արտադրության կրճատմամբ, հատկապես Բրազիլիայում: Դրա պատճառով շուկայի շատ մասնակիցներ դադարել են հումք գնել ապագայի համար և վերցնում են փոքր խմբաքանակներ՝ այնքան, որ բավարար լինի ընթացիկ կարիքների համար։

Հարցումների տվյալներով՝ մինչեւ տարեվերջ արաբիկայի գները կարող են ընկնել մեկ երրորդով, քանի որ բարձր արժեքը զսպում է պահանջարկը, իսկ առաջին նշանները վկայում են ռեկորդային բերքի մասին: Բացի այդ, այնպիսի երկրներ, ինչպիսիք են Հնդկաստանը, Ուգանդան, Եթովպիան և Բրազիլիան, որոշել են ավելացնել սուրճի տնկարկների տարածքները՝ ի պատասխան գների աճի:

Այնուամենայնիվ, քանի դեռ իրավիճակը չի բարելավվել, սուրճի արդյունաբերությունը կարող է մեծ հարված հասցնել: