Ռուսաստանում կրկեսում նստատեղերի շարքերի փլուզման հետևանքով տուժածներ կան (Լուսանկար)

Հինգ մարդ, այդ թվում՝ երեք երեխա, տուժել է Սամարայի մարզի Նեֆտեգորսկի շրջիկ կրկեսում հանդիսատեսների շարքերի փլուզման հետևանքով, լրագրողներին հայտնել են ՌԴ Արտակարգ իրավիճակների նախարարության տարածաշրջանային գլխավոր վարչությունից։

«Ժամը 18:05-ին (Մոսկվայի ժամանակով 17:05-ին) հաղորդագրություն է ստացվել շրջիկ կրկեսի հանդիսատեսների նստատեղերի վեց շարքի փլուզման մասին՝ Նեֆտեգորսկի մունիցիպալ շրջան, Նեֆտեգորսկի բնակավայր, Նեֆտյանիկով փողոց, 1 հասցեում: Զոհեր չկան, 5 մարդ վիրավորվել է, այդ թվում՝ 3 երեխա, նրանք ուղարկվել են բժշկական զննության Նեֆտեգորսկի շրջանի կենտրոնական հիվանդանոց»,- ասված է ԱԻՆ մարզային շտաբի հաղորդագրության մեջ։

Գերատեսչության տվյալներով՝ դեպքի վայրում պարզվել է, որ փլուզվել է հանդիսատեսների համար նախատեսված նստատեղը, որտեղ գտնվում էր մոտ 20 մարդ։

Միջադեպի պատճառը պարզվում է։

Թարգմանությունը՝ Lurer.com-ի