Ինչ կարևոր բացահայտում է արել Reuters-ը ԱՄՆ-ի և Ռուսաստանի վերաբերյալ

Սպիտակ տունը հանձնարարել է քննարկել էներգետիկ ոլորտում Ռուսաստանի դեմ պատժամիջոցների մեղմացման հնարավորությունը՝ Ուկրաինայում հակամարտության կարգավորման շուրջ պայմանավորվածությունների ձեռքբերման դեպքում: Այս մասին հայտնում է Reuters-ը՝ վկայակոչելով իրավիճակին ծանոթ երկու աղբյուրների։

Հանձնարարականը տրվել է ԱՄՆ ֆինանսների նախարարությանը, հայտնել են աղբյուրները։

Էներգետիկ պատժամիջոցների մեղմացման տարբերակները դիտարկվելու են Ռուսաստանի և ԱՄՆ նախագահներ Վլադիմիր Պուտինի և Դոնալդ Թրամփի միջև Ուկրաինայում հակամարտության դադարեցման շուրջ բանակցությունների սպասումների ֆոնին, ասում են գործակալության զրուցակիցները:

Սպասվում է, որ աշխատանքը, որը իրականացնելու է գերատեսչությունը, թույլ կտա Վաշինգտոնին ապագայում արագ չեղարկել պատժամիջոցները էներգետիկայի ոլորտում, եթե համաձայնագիր կնքվի: Սակայն այդ ջանքերը չպետք է դիտարկել որպես նշան, որ ԱՄՆ-ն պատրաստ է վերացնել պատժամիջոցները՝ առանց Ռուսաստանի կողմից զիջումների, ընդգծել են աղբյուրները։

Գործակալության տվյալներով՝ Թրամփի վարչակազմը ցանկանում է, որ սահմանափակումների վերացման դեպքում ուշացումներ չառաջանան ոչ բավարար պատրաստվածության պատճառով:

Սպիտակ տունը հանձնարարել է Պետդեպարտամենտին և ԱՄՆ ֆինանսների նախարարությանը պատրաստել պատժամիջոցների ցանկ, որոնք կարող են մեղմացվել: Ցուցակը, ինչպես պնդում Է Reuters-ը, պատրաստվում է Մոսկվայի հետ բանակցություններում հետագա քննարկման համար՝ երկրների միջև հարաբերությունների բարելավման շուրջ: