Արևմուտքում խոսել են Ռուսաստանի նկատմամբ Թրամփի ճնշման մասին
Աշխարհ
Միացյալ Նահանգների նախագահ Դոնալդ Թրամփը «վերջապես» սկսել է թեկուզ փոքր, բայց ճնշում գործադրել Ռուսաստանի վրա: Խոսքը Մոսկվայի հասցեին հերթական պատժամիջոցների սպառնալիքների մասին է, գրում է The Hill պարբերականը։
«Նախագահ Թրամփը հայտարարել է, որ դիտարկում է Ռուսաստանի նկատմամբ լրացուցիչ պատժամիջոցներ և մաքսատուրքեր սահմանելու հնարավորությունը, որպեսզի փորձի Մոսկվային նստեցնել Ուկրաինայում պատերազմը դադարեցնելու բանակցությունների սեղանի շուրջ», - գրել են լրագրողները:
Նյութում նաև նշված է, որ Սպիտակ տան ղեկավարի սպառնալիքները Ռուսաստանի հասցեին հնչել են Սաուդյան Արաբիայում ամերիկյան վարչակազմի ներկայացուցիչների և ուկրաինացի պաշտոնյաների հանդիպումից մի քանի օր առաջ:
Միևնույն ժամանակ, վերլուծաբան Սքոթ Ռիտերը հայտարարել է, որ Ռուսաստանը կշարունակի հասնել հատուկ գործողության նպատակներին՝ չնայած ԱՄՆ-ի կողմից էներգետիկ պատժամիջոցների հնարավորությանը:
Մինչ այդ Սպիտակ տան ղեկավարը հայտնել էր, որ ԱՄՆ պատրաստ է լայնամասշտաբ պատժամիջոցներ սահմանել Ռուսաստանի դեմ: Մասնավորապես, նա նշել է ապրանքների, բանկային հատվածի նկատմամբ սահմանափակումները, ինչպես նաև սակագներն ու տուրքերը։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
