Հարավային Կորեայի նախագահը լքել է նախնական կալանքի վայրը

Հարավային Կորեայի նախագահ Յուն Սեոկ Յոլը լքել է Սեուլի կալանավայրը, որտեղ նրան պահում էին սահմանադրական կարգի դեմ ապստամբելու քրեական մեղադրանքով։ Այս մասին հայտնում է Yonhap լրատվական գործակալությունը։

Յունը մնում է օտարված իր պարտականություններից: Ավելին, նրան առաջադրված մեղադրանքը չի հանվել։ Քրեական գործը քննվում է նրա իմփիչմենթի դատավարությունից առանձին։

Սպասվում է, որ առաջիկա օրերին երկրի Սահմանադրական դատարանը որոշում կկայացնի նախագահին պաշտոնանկ անելու կամ վերականգնելու վերաբերյալ։

Ինչպես հայտնել ենք, Հարավային Կորեայի դատախազությունը կալանքից ազատել է նախագահին։

Ավելի վաղ Յունը Սահմանադրական դատարանում ներողություն է խնդրել երկրի բնակիչներից ռազմական դրություն մտցնելու իր առաջարկի պատճառով առաջացած «շփոթության ու անհարմարության» համար։