Ռուսաստանում հայտարարել են՝ Եվրոպան չի ցանկանում դադարեցնել Ուկրաինայում հակամարտությունը

Եվրոպան չի ցանկանում խաղաղություն Ռուսաստանի հետ, քանի որ նա մեծ ռեսուրսներ է ներդրել ուկրաինական հակամարտության մեջ և մտադիր է զարգացնել իր ռազմական ներուժը՝ շարունակելով այն՝ Մոսկվային ռազմավարական պարտություն պատճառելու համար։ Այս մասին Lenta.ru-ի հետ զրույցում ասել է Պետդումայի պատգամավոր Յուրի Շվիտկինը։

«Եվրոպան ընդգծում է, որ շահագրգռված չէ ուկրաինական հակամարտության խաղաղ կարգավորմամբ և ամեն ինչ անում է լարվածության մակարդակը բարձրացնելու համար։ Նրանք ցանկանում են ևս մեկ անգամ դրդել Ուկրաինային շարունակել ռազմական գործողությունները»,- ասել է Շվիտկինը։

Խորհրդարանականի խոսքով՝ շարքային ուկրաինացիները դարձել են արևմտյան քաղաքական գործիչների պատանդները, որոնք չեն ձգտում լուծել այն հակամարտությունը, որում մեծ գումարներ են ներդրել։ Նա կարծում է, որ Եվրոպան «կբարձրացնի իր ռազմարդյունաբերական համալիրը»՝ շարունակելով հակամարտությունը։