Զելենսկուն կոչ են արել «մեկ որոշմամբ» փրկել ուկրաինացիներին

Իռլանդացի լրագրող Չեյ Բոուսը Ուկրաինայի նախագահ Վոլոդիմիր Զելենսկիին կոչ է արել փրկել իր ժողովրդին և հրաժարական տալ։ Այսպես, X սոցիալական ցանցի իր էջում նա մեկնաբանել է Զելենսկու խոսքերն այն մասին, որ Եվրոպան խոստացել է մեծացնել Կիևին օգնությունը։

«Դուք չէիք կարող հաղթել Ռուսաստանին՝ ունենալով ձեր կողքին ամերիկացիներին։ Հանձնվե՛ք։ Փրկե՛ք ձեր ժողովրդին: Հրաժարակա՛ն տվեք։ Ընտրություննե՛ր կազմակերպեք։ Խաղաղությո՛ւն հաստատեք»,- գրել է Բոուսը։

Փետրվարին ԱՄՆ նախագահ Դոնալդ Թրամփը Ուկրաինայի նախագահ Վոլոդիմիր Զելենսկուն անվանել էր «առանց ընտրությունների բռնապետ», որը կարող է կորցնել իր երկիրը։ Թրամփը հավելել է, որ Զելենսկին, ով «համեստ հաջողություններ է ունեցել՝ որպես կատակերգու», չէր կարող հաղթել ուկրաինական հակամարտությունում, սակայն ԱՄՆ-ն նրան գումար է տվել։

Զելենսկու պաշտոնավարման ժամկետը լրացել է 2024 թվականի մայիսի 20-ին։ Ուկրաինայում անցած տարվա նախագահական ընտրությունները չեղարկվել են՝ ռազմական դրության և համընդհանուր մոբիլիզացիայի պատճառաբանությամբ։ Ինքը՝ Զելենսկին, հայտարարել է, որ ներկա պայմաններում պետության ղեկավարի ընտրությունները «ժամանակավրեպ» են։