FT-ն պարզել է՝ ինչ է Ուկրաինան առաջարկելու ԱՄՆ-ին

Ուկրաինան Սաուդյան Արաբիայում երկկողմ բանակցությունների ընթացքում փորձելու է համոզել ԱՄՆ-ին վերսկսել ռազմական օգնությունն ու հետախուզական տվյալների փոխանակումը, գրում Է Financial Times-ը՝ վկայակոչելով պաշտոնյաներին:

Թերթի զրուցակիցների խոսքով՝ Կիևը պատրաստվում է Ռուսաստանի հետ «մասնակի հրադադար» առաջարկել, այն վերաբերում է ԱԹՍ-ների և հեռահար հրթիռների հարվածներին, ինչպես նաև Սև ծովում մարտական գործողություններին:

Ուկրաինան հույս ունի, որ Վաշինգտոնը չեղարկելու է հետախուզական տվյալների փոխանակման և սպառազինությունների մատակարարման դադարեցման մասին իր որոշումը, գրում է պարբերականը:

Կարճաժամկետ հեռանկարում Կիևը ձգտելու է կարգավորել հարաբերությունները Վաշինգտոնի հետ, ասել է ուկրաինացի պաշտոնյան:

Երկու եվրոպացի պաշտոնյաների կարծիքով՝ ուկրաինական կողմը հրադադարի շուրջ բանակցություններում առաջընթացը դիտարկում է «որպես ծառայություն ծառայության դիմաց»: