ՀԱՄԱՍ-ը Գազայի հատվածում Իսրայելի էլեկտրաէներգիայի անջատումը շանտաժ է համարում
Աշխարհ
ՀԱՄԱՍ-ը քննադատել է Իսրայելի իշխանությունների որոշումը՝ դադարեցնելու էլեկտրաէներգիայի մատակարարումը Գազայի հատված, հայտնում են մերձավորարևելյան լրատվամիջոցները։
«Մենք խստորեն դատապարտում ենք Գազայում էլեկտրաէներգիայի անջատումը սննդից, դեղորայքից և ջրից զրկելուց հետո», - լրատվամիջոցները մեջբերում են ՀԱՄԱՍ-ի քաղբյուրոյի անդամ Իզաթ ալ-Ռիշկիին:
Նրա խոսքով՝ սա «ճնշում գործադրելու փորձ է»։
The Times of Israel-ը, հղում անելով իսրայելցի պաշտոնյային, նշում է, որ փակումը կազդի մեկ աղազերծման կայանի վրա՝ Գազայի հատվածում միակ հաստատությունը, որը կապված է Իսրայելից էլեկտրահաղորդման գծի հետ:
Կիրակի երեկոյան Իսրայելի էներգետիկայի նախարար Էլի Քոհենը հայտարարել է, որ «անհապաղ» կդադարեցնի էլեկտրաէներգիայի մատակարարումը Գազայի հատվածին։
«Մենք կօգտագործենք մեր ունեցած բոլոր գործիքները՝ ապահովելու, որ մեր պատանդները վերադառնան տուն, և որ ՀԱՄԱՍ-ը ներկա չլինի Գազայում պատերազմից հետո»,- ասել է նա։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
