Վատիկանը նոր մանրամասներ է հայտնել Հռոմի պապի առողջական վիճակից

Հռոմի Ֆրանցիսկոս պապը հաղթահարել է կրիտիկական փուլը։ Բժիշկները նրա վիճակի կայուն բարելավում են արձանագրել: Այս մասին հայտնել Է Վատիկանի Vatican News լրատվական պորտալը՝ վկայակոչելով Սուրբ Աթոռի մամուլի հաղորդագրությունը, փոխանցում է EADaily-ն։

«Պապի վիճակը կայուն է։ Նախորդ օրերին նկատված բարելավումներն էլ ավելի են ամրապնդվել։ Ինչը հաստատվում է ինչպես արյան անալիզներով, այնպես էլ կլինիկական արդյունքներով», - ասվում է հաղորդագրության մեջ:

Սակայն, ինչպես նշվում է, հաշվի առնելով իրավիճակի բարդությունը Հռոմի պապը պետք է բուժումը շարունակի ստացիոնար պայմաններում: