Կառուցողական էր․ Զելենսկու գրասենյակի ղեկավարը՝ Ուկրաինայի և ԱՄՆ-ի միջև բանակցությունների մասին
Աշխարհ
Ուկրաինայի նախագահ Վոլոդիմիր Զելենսկու գրասենյակի ղեկավար Անդրեյ Երմակն ասել է, որ Սաուդյան Արաբիայում ԱՄՆ պատվիրակության հետ հանդիպումը շատ կառուցողական է սկսվել։ Այս մասին նա գրել է իր Telegram ալիքում։
«ԱՄՆ թիմի հետ հանդիպումը սկսվեց շատ կառուցողական, մենք աշխատում ենք արդար և տևական խաղաղություն հաստատելու ուղղությամբ»,- գրել է նա։
Սաուդյան Արաբիայում բանակցություններ են սկսվել Ուկրաինայի և ԱՄՆ-ի միջև։ Կիևից հանդիպմանը մասնակցում են Ուկրաինայի նախագահի գրասենյակի ղեկավար Անդրեյ Երմակը, արտաքին գործերի նախարարության ղեկավար Անդրեյ Սիբիգան և պաշտպանության նախարար Ռուստեմ Ումերովը։ Ամերիկյան պատվիրակությունը գլխավորում են պետքարտուղար Մարկո Ռուբիոն և ազգային անվտանգության հարցերով խորհրդական Մայք Ուոլցը։
Վաշինգտոնը ուրվագծել է բանակցությունների հիմնական նպատակը՝ «խաղաղության համաձայնագրի և հրադադարի համար շրջանակի ստեղծումը»։ Կիևը պատրաստվում է քննարկել Վաշինգտոնից անվտանգության երաշխիքների տրամադրումը և դիմակայել ուկրաինական կողմի համար անբարենպաստ պայմաններ ստեղծելու փորձերին։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
