Գերմանիան հայտնել է՝ Բունդեսվերը չունի ռեսուրսներ իր պաշտպանունակությունն ապահովելու համար

Անցյալ տարվա վերջին Բունդեսվերը բախվեց անձնակազմի լուրջ պակասի, ինչպես նաև ռազմական ենթակառուցվածքների զգալի վատթարացման և մարտական ​​պատրաստության տեխնիկայի պակասի հետ։ Այս մասին հայտնել է գերմանացի ռազմական հանձնակատար Եվա Հեգլը, նրա խոսքերը մեջբերում է Der Spiegel ամսագիրը։

Զինվորական կոմիսարը մանրամասնել է, որ անցյալ տարվա վերջին գերմանական բանակի թիվը կազմել է մոտ 180 հազար մարդ։ Այս ցուցանիշը մի քանի հազարով պակաս է, քան 2023 թվականին։ Հեգլը նշել է, որ Բունդեսվերի նպատակը՝ մինչև 2031 թվականն իր անձնակազմը հասցնել 203 000-ի, գնալով դժվարանում է:

Հանձնակատարը նաև ուշադրություն է հրավիրել այն փաստի վրա, որ զինվորականների միջին տարիքը 34 տարեկան է, ինչը նշանակում է, որ Գերմանիայի իշխանությունների՝ երիտասարդներին Բունդեսվերի շարքեր ներգրավելու քաղաքականությունը ձախողվում է։

Հեգլը, ի թիվս այլ բաների, հայտարարել է, որ գերմանական բանակը լուրջ խնդիրներ ունի ենթակառուցվածքների հետ կապված, քանի որ զորանոցը գտնվում է անմխիթար վիճակում։ Բացի այդ, ըստ հանձնակատարի, կա զինամթերքի, պահեստամասերի և սպասարկման ենթակա ծանր զինտեխնիկայի պակաս։ Հեգլը ենթադրում է, որ ստեղծված իրավիճակից ելք կլինի զորակոչի վերսկսումը։