Գերմանիայում 11-ամյա աղջիկը երեխա է լույս աշխարհ բերել իր 38-ամյա խորթ հորից

Գերմանացին մեղավոր է ճանաչվել խորթ դստեր նկատմամբ սեռական ոտնձգությունների համար, հայտնում է Bild-ը։

Մեղադրական եզրակացության համաձայն՝ 38-ամյա Բենջամին Ս.-ն Զիգեն-Վիտգենշտեյն շրջանից բռնության է ենթարկել իր խորթ դստերը՝ Ջոլիենին 2020 թվականի մարտից, երբ նա ընդամենը յոթ տարեկան էր՝ մինչև 2023 թվականի օգոստոսը։

Դատարանը պարզել է, որ տղամարդը հակաբեղմնավորիչ միջոցներ չի օգտագործել, և վերջնական բռնաբարությունը հղիության է հանգեցրել։ Ջոլիենը փորձել է թաքցնել փորը, սակայն ուսուցիչները դեռ նկատել են, որ աշակերտուհին հղի է։

Անցյալ մայիսին մանկապիղծի 11-ամյա զոհը կեսարյան հատումով աղջիկ էր լույս աշխարհ բերել, և ԴՆԹ թեստը ապացուցեց, որ երեխայի հայրը աղջկա խորթ հայրն է: Այսպիսով, նրա դեմ ապացույցները անհերքելի դարձան։

Սակայն Բենջամինը մինչև վերջ հերքեց մեղադրանքները, իսկ նրա փաստաբանը փորձեց ապացուցել, որ «երեխան ինքն է ներմուծել սերմը»։ Դատարանի որոշմամբ այլասերվածը բանտում կանցկացնի ութ տարի, սակայն պաշտպանական կողմը կփորձի բողոքարկել դատավճիռը։

Թարգմանությունը՝ Lurer.com-ի