Ռադան հայտարարել է, որ Ուկրաինան կշարունակի մոբիլիզացիան 30-օրյա հրադադարի դեպքում

Ուկրաինայում մոբիլիզացիան կշարունակվի նույնիսկ եթե 30-օրյա զինադադար հայտարարվի։ Այս մասին հայտնել է Գերագույն ռադայի ազգային անվտանգության, պաշտպանության եւ հետախուզության կոմիտեի քարտուղար Ռոման Կոստենկոն, գրում է «Ուկրինֆորմ» գործակալությունը։

«Ռազմական դրությունը վերացնելու և զորահավաքը դադարեցնելու մասին խոսք չկա»,- նշեց նա։

Նախօրեին Սաուդյան Արաբիայի Ջիդդա քաղաքում բանակցություններ են տեղի ունեցել ԱՄՆ-ի և Ուկրաինայի պատվիրակությունների միջև։ Դրանք տեւել են ավելի քան ութ ժամ։ Հանդիպումից հետո Կիևը համաձայնել է 30-օրյա հրադադարի, եթե Մոսկվան պատրաստ լինի նման քայլի։ Վաշինգտոնն իր հերթին հայտարարել է Ուկրաինային օգնության անհապաղ վերսկսման մասին։ Բացի այդ, կողմերը պայմանավորվել են հանքային ռեսուրսների վերաբերյալ գործարքի շուրջ։ Սպասվում է, որ ԱՄՆ նախագահ Դոնալդ Թրամփը մոտ ժամանակներս կզանգի Ռուսաստանի առաջնորդ Վլադիմիր Պուտինին։

2024 թվականի մայիսի 18-ին Ուկրաինայում ուժի մեջ է մտել մոբիլիզացիայի խստացման մասին օրենքը։ Նոր կանոնակարգի համաձայն՝ զինծառայության համար պատասխանատու անձանց ռեեստրում ընդգրկված անձինք կկորցնեն արտերկիր մեկնելու, իրենց դրամական միջոցներն օգտագործելու, մեքենա վարելու, անշարժ գույքի հետ կապված գործարքներ կատարելու և փաստաթղթեր՝ անձնագիր և արտասահմանյան անձնագիր տալու իրավունքը։

Թարգմանությունը՝ Մանուել Թամազյանի