Հայտնի է դարձել, թե ինչ աղետի կվերածվի Գազայի հատվածը վերաբնակեցնելու Թրամփի ծրագիրը

Գազայի բնակիչների տեղահանումը ԱՄՆ նախագահ Դոնալդ Թրամփի ծրագրին համապատասխան լուրջ խնդիրների կհանգեցնի, ասել է Արաբական պետությունների լիգայի նախկին գլխավոր քարտուղար, եգիպտացի դիվանագետ Ամր Մուսան Բաքվի XII գլոբալ ֆորումի շրջանակներում NEWS.ru-ի հետ զրույցում։ Նրա կարծիքով՝ ամերիկացի առաջնորդը մոտ ապագայում կհրաժարվի այս նախաձեռնության իրականացումից։

Վստահ եմ, որ Թրամփը կհաստատի իր վերջին խոսքերն այն մասին, որ Գազայի հատվածի իր ծրագիրն ընդամենը հանձնարարական է։ Մեկ միլիոն մարդու ցանկացած տեղ տեղափոխելը փախստականների համար լուրջ խնդիրներ կստեղծի: Պաղեստինցիներն ունեն հող և տներ և ունեն իրավունքներ, որոնց հավատում են: Նրանց դուրս քշելը լուծում չէ։ Սա միայն նոր դժվարությունների կհանգեցնի ողջ տարածաշրջանում, ընդգծել է Մուսան։

Դիվանագետը նաեւ նշել է, որ արաբական երկրները մտահոգված են պետական ​​հեղաշրջումից հետո Սիրիայում իրավիճակի ապակայունացմամբ։

Սիրիայում կայունությունը շատ կարևոր է ողջ տարածաշրջանում խաղաղության համար. Ժամանակն է վերջ դնել սիրիական հասարակության տարբեր հատվածների միջև արյունահեղությանը։ Արաբական աշխարհը պետք է օգնի լուծել այս խնդիրը, և արտաքին միջամտությունը, ինչպես տարածաշրջանային երկրների, այնպես էլ արտաքին խաղացողների կողմից, պետք է դադարեցվի։ «Բավական է արյուն»,- ասաց նա։

Թարգմանությունը՝ Մանուել Թամազյանի