Սիրիայում ձևավորվել է Ազգային անվտանգության խորհուրդ

Սիրիայի Ազգային անվտանգության խորհուրդը ձևավորվել է Ահմեդ ալ-Շարաայի՝ ժամանակավոր ժամկետով նախագահի որոշմամբ, ասվում է պետության ղեկավարի գրասենյակի հաղորդագրության մեջ։

«Հիմք ընդունելով Սիրիայի նախագահի լիազորությունները և ելնելով պետության շահերից՝ նպատակ ունենալով ամրապնդել ազգային անվտանգությունը առաջիկա ժամանակահատվածում, նախագահը կայացրել է հետևյալ որոշումը՝ ստեղծել Հանրապետության Նախագահի գլխավորությամբ Ազգային անվտանգության խորհուրդ՝ անվտանգության և քաղաքական խնդիրների կառավարման նպատակով»,- РИА Новости-ի փոխանցմամբ՝  ասված է հաղորդագրությունում։

Փաստաթղթի համաձայն՝ խորհրդում ընդգրկված են եղել արտաքին գործերի նախարարության ղեկավարը, պաշտպանության նախարարը, գլխավոր հետախուզության տնօրենը, ներքին գործերի նախարարության ղեկավարը և երկրի նախագահի կողմից նշանակված երկու խորհրդականներ։

Թարգմանությունը՝ Lurer.com-ի