Ուկրաինան կավելացնի ԱՄՆ-ից հեղուկ բնական գազի գնումները. Reuters
Աշխարհ
Ուկրաինայի գազային ենթակառուցվածքի վրա ռուսական հարձակումներից հետո Կիևը որոշել է ավելացնել հեղուկ բնական գազի գնումները ԱՄՆ-ից։
Այս մասին Reuters-ին հայտնել է ուկրաինական GTS օպերատորի ղեկավար Դմիտրի Լիպան։ Նրա խոսքով՝ Ուկրաինան մտադիր է 2025 թվականին զգալիորեն ավելացնել ամերիկյան հեղուկացված բնական գազի ներմուծումը Գերմանիայի, Հունաստանի, Լիտվայի և Լեհաստանի տերմինալների միջոցով։
Ընդհանուր առմամբ, ապրիլից հոկտեմբեր ընկած ժամանակահատվածում Կիևը նախատեսում է գնել ոչ պակաս, քան 4 միլիարդ խորանարդ մետր գազ։ Նման ներմուծման ընդհանուր արժեքը կկազմի 1 միլիարդ դոլարից ոչ պակաս։
Լիպայի խոսքերով, այս ծավալի մինչև կեսը կմատակարարվի եվրոպական տերմինալներին, այլ ոչ թե գազատարով: Այդ հեղուկ գազի զգալի մասը կարող է մատակարարվել ԱՄՆ-ից։
«Քաղաքական տեսակետից մեզ համար նախընտրելի է, որ հնարավորինս շատ ամերիկյան հեղուկ գազ գա Լեհաստան և աստիճանաբար մեզ հասցվի», - բացատրել է Լիպան:
Սակայն այս ծրագրերը կարող են հարցականի տակ լինել, քանի որ հենց ԵՄ երկրներն ունեն կապույտ վառելիքի կարիք։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
