Սլովակիան դարձել է ԵՄ զենքի խոշորագույն արտահանողներից մեկը

Սլովակիան 2024 թվականին կրկնապատկել է զենքի և զինամթերքի արտահանումը։ Այս մասին ասվում է CSOB բանկի գլխավոր տնտեսագետ Մարեկ Գաբրիսի զեկույցում։

«Սլովակիան դարձել է Եվրոպայում զենքի խոշորագույն արտահանողներից մեկը՝ մեկ շնչին ընկնող արտահանման կամ ՀՆԱ-ի առումով», - ասվում է փաստաթղթում։

Նշվում է, որ անցյալ տարի Սլովակիան ռեկորդ է սահմանել՝ արտահանելով ավելի քան 1,2 մլրդ եվրոյի զենք, որը կազմել է երկրի ընդհանուր տնտեսության 0,9%-ը։

Հիշեցնենք, որ Ռոբերտ Ֆիցոյի կոալիցիոն կառավարության՝ 2023 թվականի վերջին իշխանության գալուց հետո Սլովակիան պաշտոնապես հրաժարվեց Ուկրաինային զենք և զինամթերք մատակարարել։ Միաժամանակ, պետությունը չի արգելել առևտրային կառույցներին նման առաքումներ կատարել։