ՄԱԿ-ի դատարանը Գազայի հատվածում լսումներ կսկսի Իսրայելի պարտավորությունների վերաբերյալ

Արդարադատության միջազգային դատարանը ապրիլի 28-ին կսկսի լսումները՝ կապված պաղեստինյան օկուպացված տարածքների նկատմամբ Իսրայելի պարտավորությունների հետ։ Համապատասխան փաստաթուղթը հրապարակվել է Համաշխարհային դատարանի կայքում։

«Դատարանը հանրային լսումներ կանցկացնի 2025 թվականի ապրիլի 28-ին՝ Հաագայի Խաղաղության պալատում»,- ասվում է հրապարակված փաստաթղթում։

Լսումները կբարձրացնեն Պաղեստինի օկուպացված տարածքում ՄԱԿ-ի, այլ միջազգային կազմակերպությունների և «երրորդ պետությունների» ներկայության և գործունեության վերաբերյալ հարցեր: Տեքստում ընդգծվում է նաև, որ դատարանը ստացել է ընդհանուր առմամբ 45 գրավոր հայտարարություն մի քանի երկրներից և միջազգային կազմակերպություններից։

Իսրայելի պաշտպանության բանակը մարտի 2-ին դադարեցրել է մարդասիրական օգնությունը Գազայի հատվածին այն բանից հետո, երբ ՀԱՄԱՍ-ը հրաժարվել է ընդունել բանակցությունները շարունակելու ԱՄՆ-ի ծրագիրը: Նշվել է, որ կառավարությունն այս որոշումն ընդունել է՝ համաձայնեցնելով ԱՄՆ նախագահ Դոնալդ Թրամփի վարչակազմի հետ։ ՀԱՄԱՍ-ն իր հերթին շանտաժ է անվանել մարդասիրական օգնության ներմուծումը դադարեցնելու Իսրայելի որոշումը։ Բացի այդ, մարտի 9-ին հաղորդվել էր, որ Իսրայելը կդադարեցնի էլեկտրաէներգիայի մատակարարումը Գազայի հատվածին՝ ՀԱՄԱՍ-ի վրա ճնշում գործադրելու ծրագրի շրջանակներում: