Զգուշավոր լավատեսություն կա․ Ուոլցը՝ Ուկրաինայի հարցով բանակցությունների մասին

ԱՄՆ նախագահի ազգային անվտանգության հարցերով խորհրդական Մայք Ուոլցը հայտարարել է, որ Վաշինգտոնը «զգուշավոր լավատեսություն» ունի ուկրաինական կարգավորման հեռանկարների վերաբերյալ, հաջորդ քայլերի մասին որոշումները կայացվելու են Մոսկվա այցելած հատուկ բանագնաց Սթիվ Ուիթկոֆի տեղեկատվության հիման վրա: Այս մասին հայտնում է Fox News-ը։

«Ես ոչինչ չեմ հայտարարի կամ բանակցություններ չեմ վարի հեռուստատեսությամբ։ Իհարկե, նախագահից առաջ չեմ ընկնելում, բայց մենք զգուշավոր լավատեսություն ունենք», - ասել է Ուոլցը Fox News-ին տված հարցազրույցում:

Նա հավելել է, որ Մոսկվա այցելած ԱՄՆ նախագահ Դոնալդ Թրամփի հատուկ բանագնաց Ուիթքոֆը «գնահատման համար» տեղեկություններ է ներկայացնելու կայացած շփումների վերաբերյալ, որպեսզի ամերիկացի առաջնորդը որոշում կայացնի հետագա քայլերի մասին:

Սպիտակ տան մամուլի քարտուղար Քերոլայն Լիվիտն ավելի վաղ հայտնել էր, որ Ուիթկոֆը այցելելու է Մոսկվա՝ նպատակ ունենալով «համոզել» ռուսական կողմին ստորագրել Ուկրաինայում հրադադարի մասին համաձայնագիրը: