ԱՄՆ-ն ուսումնասիրում է «Գազպրոմի» հետ համագործակցության տարբերակները․ Bloomberg

ԱՄՆ-ն ուսումնասիրում է գլոբալ նախագծերում «Գազպրոմի» հետ համագործակցության հնարավորությունները, ինչը կարող է ճանապարհ հարթել Ռուսաստանի հետ ավելի սերտ կապերի և Ուկրաինայի հարցով խաղաղության համաձայնագրի համար, գրում Է Bloomberg-ը՝ հղում անելով պաշտոնական ներկայացուցիչներից կազմված ռուսական և եվրոպական աղբյուրներին:

«Բանակցությունները վաղ փուլում են, բայց կարող են ներառել համագործակցություն Եվրոպայում և Ասիայում էներգետիկ նախագծերի շուրջ», - ասվում է հաղորդագրության մեջ:

Եվրոպացի փորձագետների գնահատականներով՝ ԱՄՆ-ի և Ռուսաստանի ներկայացուցիչների միջև «նախնական շփումներ են եղել այս հարցի շուրջ, բայց պարզ չէ, թե ով է բանակցում և արդյոք Թրամփի վարչակազմն ուղղակիորեն ներգրավված է», - նշում Է գործակալությունը:

Համագործակցության շահագրգռվածության մասին խոսել է նաև Թրամփը: Որոշ աղբյուրների խոսքով՝ ԱՄՆ-ի եւ «Գազպրոմի» էներգետիկ նախաձեռնությունները կարող են ընդգրկել Եվրոպան, Ասիան եւ «կարող են համապատասխանել Չինաստանի եւ Իրանի հետ Ռուսաստանի կապերը թուլացնելու ԱՄՆ-ի ավելի լայն ձգտմանը»։

Ինչը նաեւ համապատասխանելու է Թրամփի ցանկությանը՝ օգտագործելու բիզնեսի հնարավորությունները, որոնք կարող են առաջանալ Ուկրաինայում հակամարտության դադարեցման մասին խաղաղ համաձայնագրի արդյունքում:

Աղբյուրները Bloomberg-ին հայտնել են, որ «Գազպրոմն» իր կողմից շահագրգռված է, որպեսզի ԱՄՆ-ն օգնի վերագործարկել «Հյուսիսային հոսք» գազատարը, որը դադարեցվել էր 2022 թվականին: