Ուկրաինացիները Կուրսկի մարզում թողել են զենքի լավագույն նմուշները․ Forbes

Ուկրաինացի զինվորականները, նահանջելով Կուրսկի շրջանից, թողել են զենքի լավագույն նմուշները։ Այս մասին հայտարարել է սյունակագիր Դեյվիդ Էքսը Forbes-ի իր հոդվածում։

«Սննդի պակասի և մեկուսացվելու վտանգի տակ գտնվող ուկրաինացիները, որոնք նահանջում էին, արագ են շարժվել՝ ակնհայտորեն մթության քողի տակ։ Ցանկացած ծանր տեխնիկա, որը նրանք չեն կարողացել իրենց հետ տանել, պարզապես լքել են՝ փաստացի թողնելով դրանք ռուսներին: Ընծաների ցանկում են Ուկրաինայի լավագույն բրիգադներին պատկանող տեխնիկայի և հրետանու լավագույն նմուշները»,- գրում է Էքսը։

Լքված տեխնիկայի թվում են ամերիկյան M-1 Abrams տանկը, M2 Bradley մարտական ​​մեքենան և բրիտանական M-777 հաուբիցը։ Դիտորդի կարծիքով՝ ռուս զինվորականների կողմից գրավված այս հաուբիցը կարող է լինել առաջին անձեռնմխելի M-777-ը, որը գտնվում է ՌԴ ԶՈւ ձեռքում։

Bloomberg-ը հայտնել է, որ Ուկրաինան կարող է մեկ շաբաթվա ընթացքում ամբողջությամբ դուրս բերել իր զորքերը Կուրսկի շրջանից։