Չինաստանը կոչ է անում պահպանել միջուկային զենքի չտարածման ռեժիմը
Աշխարհ
«Չինաստանը կոչ է անում պահպանել միջուկային զենքի չտարածման ռեժիմը»։ Պեկինում Իրանի միջուկային ծրագրի շուրջ Չինաստանի, Ռուսաստանի և Իրանի եռակողմ բանակցությունների արդյունքներով նման հայտարարություն է արել Չինաստանի արտգործնախարար Վան Ին, փոխանցում է ՏԱՍՍ-ը։
«Մենք պետք է համապատասխանենք միջազգային կանոններին և պահպանենք միջուկային զենքի չտարածման ռեժիմի ամբողջականությունը։ Թեև մենք բարձր ենք գնահատում Իրանի՝ միջուկային զենքի արտադրությունից հրաժարվելու պարտավորությունների կատարումը, մենք լիովին հարգում ենք Իրանի՝ միջուկային էներգիայի խաղաղ օգտագործման իրավունքը»,- ասել է նա։
Վան Ին նշել է, որ անհրաժեշտ է ձգտել ընդլայնել կոնսենսուսը և խելամիտ լուծումներ գտնել խորհրդակցությունների միջոցով, որոնք հաշվի են առնում բոլոր կողմերի շահերը: Իրանի միջուկային ծրագրի շուրջ Պեկինում կայացած եռակողմ հանդիպումը «կարևոր քայլ է ճիշտ ուղղությամբ», - ասել է նա։
«Մենք նաև կամրապնդենք շփումները այլ կողմերի հետ Իրանի միջուկային խնդրի շուրջ, կոչ կանենք նրանց ցուցաբերել քաղաքական անկեղծություն և որքան հնարավոր է շուտ վերադառնալ բանակցություններին»,- ասել է նախարարը։
ՈՒՂԻՂ ԵԹԵՐ
Ամենադիտված 
Մոսկվայից «Զվարթնոց» թռչող օդանավն անսարք է․ քաղաքացիները չգիտեն՝ ինչ անել (տեսանյութ)
