Դուտերտեն տեսակապով մասնակցում է Միջազգային քրեական դատարանի առաջին նիստին

Ֆիլիպինների նախկին նախագահ Ռոդրիգո Դուտերտեն անձամբ չի ներկայացել Միջազգային քրեական դատարանում (ICC) առաջին նիստին, դատարանը թույլ է տվել նրան մասնակցել տեսահոլովակի միջոցով, հաղորդում է РИА Новости-ի թղթակիցը դատարանի դահլիճից։

Ուրբաթ օրը Դուտերտեն պետք է ներկայանար դատարան, սակայն քանի, որ նախկին նախագահը երկար ճանապարհ էր անցել նրան թույլ են տվել մասնակցել նիստին կալանավայրից տեսակապով։

Առաջին նիստի ընթացքում դատավորները կճշտեն կասկածյալի ինքնությունը և կորոշեն այն լեզուն, որով նա կարող է հետևել դատավարությանը: Սպասվում է, որ դատարանը Դուտերտեին կտեղեկացնի իրեն առաջադրված մեղադրանքների և նրա իրավունքների մասին՝ համաձայն ՄՔԴ-ի Հռոմի կանոնադրության՝ դատարանի հիմնադիր փաստաթղթի:

Դուտերտեն մարտի 12-ին Ֆիլիպիններից Նիդեռլանդներ է արտահանձնվել ՄՔԴ-ի որոշմամբ և կալանավորվել։ Ավելի ուշ դատարանը տեղեկացրեց, որ կասկածյալը բուժզննում անցնելուց հետո տեղափոխվել է Հաագայի քննչական մեկուսարան։

Հաագայում գտնվող Միջազգային քրեական դատարանը Ֆիլիպինների նախկին նախագահին կալանավորել է մարդկության դեմ հանցագործությունների մեղադրանքով, ներառյալ սպանություններ, որոնք ենթադրաբար կատարվել են Ֆիլիպիններում 2011 թվականի նոյեմբերի 1-ից մինչև 2019 թվականի մարտի 16-ը, այսպես կոչված, «թմրանյութերի դեմ պատերազմի» համատեքստում։

Նախագահ լինելով 2016-ից 2022 թվականներին՝ Դուտերտեն հանդես է եկել թմրամոլության դեմ լայնածավալ պայքարի օգտին մարդկանց, ինչպես նաև թմրանյութեր տարածողների շրջանում: Պաշտոնական տվյալներով՝ Դուտերտեի իշխանության գալուց ի վեր երկրում սպանվել է ավելի քան 6000 մարդ՝ կապված թմրամիջոցների ապօրինի շրջանառության հետ։

Սա հիմք է տվել Հաագայի Միջազգային քրեական դատարանի կողմից մարդու իրավունքների ենթադրյալ խախտումների հետաքննությանը: 2018 թվականի մարտին Ֆիլիպինները հետ կանչեցին Հռոմի կանոնադրության վավերացումը, որը կարգավորում է երկրի մասնակցությունը ՄՔԴ-ին: 2023 թվականի հուլիսին Ֆիլիպինների կառավարությունը հրաժարվեց համագործակցել միջազգային տրիբունալի հետ և ասաց, որ ինքը կանցկացնի իր հետաքննությունը։

Դեռևս 2024 թվականի նոյեմբերին Ֆիլիպինների կառավարությունն առաջին անգամ համաձայնեց չմիջամտել նախկին նախագահ Դուտերտեին միջազգային տրիբունալին հանձնելու գործին։ Հունվարի վերջին հանրապետության իշխանությունները հայտարարեցին, որ դրականորեն կարձագանքեն, եթե ՄՔԴ-ն խնդրի Ինտերպոլին Դուտերտեի նկատմամբ կալանավորման օրդեր տրամադրել։

Թարգմանությունը՝ Մանուել Թամազյանի