Ինչ է Թրամփը խոստացել անել մարտի 17-ին
Աշխարհ
ԱՄՆ նախագահ Դոնալդ Թրամփը հայտարարել է, որ երկուշաբթի՝ մարտի 17-ին, ավելի շատ ինֆորմացիա կտրամադրի Ուկրաինայում հնարավոր հրադադարի մասին:
«Ինչպես գիտեք, մենք հրադադարի համաձայնագիր ունենք ուկրաինական խմբի հետ և փորձում ենք պայմանավորվել Ռուսաստանի հետ։ Ես կարծում եմ՝ քանի դեռ ամեն ինչ լավ է ընթանում․ մենք երկուշաբթի մի փոքր ավելին կիմանանք», - ասել է նա լրագրող Շերիլ Էտկիսոնին տված հարցազրույցում:
Թրամփը խոսել է Ռուսաստանի և Ուկրաինայի հետ «լավ» շփումների մասին՝ ասելով, որ ստացել է «գոհեցնող պատասխաններ»:
Միևնույն ժամանակ, Սպիտակ տան ղեկավարն ընդգծել է, որ Ջիդդայում ԱՄՆ-ի և Ուկրաինայի բանակցություններում առաջարկված 30-օրյա հրադադարի շուրջ քննարկումները «դժվար» են ընթանում:
Սակայն նա համոզված է, որ ամեն ինչ «ստացվում է»։
ԱՄՆ նախագահը նաև նշել է, որ Կիևը որոշել է զինադադարի գնալ, եթե Վաշինգտոնում նույն քայլին հասնեն Մոսկվայի կողմից:
ՈՒՂԻՂ ԵԹԵՐ
Ամենադիտված 
Մոսկվայից «Զվարթնոց» թռչող օդանավն անսարք է․ քաղաքացիները չգիտեն՝ ինչ անել (տեսանյութ)
