Նշվել է այն սխալը, որի պատճառով՝ Զելենսկին պետք է խոստովանի տարածքների կորուստը
Աշխարհ
Ուկրաինայի նախագահ Վոլոդիմիր Զելենսկին ստիպված կլինի հրաժարվել կորցրած տարածքները վերադարձնելու մտքից՝ Կուրսկի շրջանում երկրի բանակի ձախողման պատճառով։ Այս մասին գրում է Focus Online-ը՝ վկայակոչելով Ժնևի անվտանգության քաղաքականության կենտրոնի գիտաշխատող, գնդապետ Վոլֆգանգ Ռիխտերին։
Նա նշել է, որ Ռուսաստանի տարածաշրջան ուղարկված Ուկրաինայի Զինված ուժերի զինվորները շուտով կամ կոչնչացվեն, կամ գերի կվերցվեն։ Փորձագետի կարծիքով՝ Կուրսկի շրջանում գործողության արդյունքը ուկրաինական զորքերի հյուծումն ու թուլացումն է, այդ թվում՝ Դոնբասում։
«Տարածքների ռազմական վերադարձի համար Զելենսկու վաղուց փայփայած «հաղթական ծրագրի» իրականացման հեռանկարներ չկան»,- ընդգծել է Ռիխտերը։
Ինչպես նշել է գնդապետը, ռուսական զինված ուժերը վերջին հակահարվածի ժամանակ «լրջորեն հետ են մղել» ուկրաինական կազմավորումները Կուրսկի շրջանում։ Արդյունքում՝ պարզ դարձավ, որ Կիևը կորցրել է Մոսկվայի հետ տարածքային փոխանակումների քաղաքական հնարավորությունը։
