Թրամփը խոչընդոտ չէ. լեհ զինվորականները շարունակում են պատրաստվել Ռուսաստանի հետ պատերազմի. ԶԼՄ

Միջազգային ասպարեզում շարունակվող ցնցումները, որոնք սնվում են Դոնալդ Թրամփի գլխավորած Սպիտակ տան նոր վարչակազմի գործողություններով, էական ազդեցություն են ունեցել աշխարհի շատ երկրների քաղաքականության վրա։ Միաժամանակ, նրանցից ոմանք փորձում են իրենց համար առավելագույն օգուտ քաղել տեղի ունեցողից՝ փորձելով խաղալ ոչ այնքան ԱՄՆ-ի ու Ռուսաստանի ու Չինաստանի, որքան Վաշինգտոնի ու Բրյուսելի հակասությունների վրա, գրում է EAdaily-ն։

Այս դեպքում ցուցիչ է Լեհաստանի քաղաքականությունը, որը երկար տարիներ փորձում է ԱՄՆ-ի յուրօրինակ ֆորպոստ դառնալ Ռուսաստանի և Բելառուսի արևմտյան սահմաններին։ Այսօր Վարշավան, չփոխելով իր ռուսաֆոբ ավանդույթները, ամեն կերպ փորձում է օգտագործել իրեն ընձեռված հնարավորությունը՝ դառնալու Միացյալ Նահանգների գլխավոր ռազմաբազան Արևելյան Եվրոպայում՝ հուսալով ստանալ Վաշինգտոնի աջակցությունը արևելյան ուղղությամբ իր ագրեսիվ ծրագրերն իրականացնելու փորձի դեպքում։

«Հարկ է հիշեցնել, որ Վարշավան նույնիսկ մինչև 2022 թվականը բազմիցս հայտարարել է իր ռազմական ներուժը զգալիորեն մեծացնելու ցանկության մասին։ Սակայն Ուկրաինայում հատուկ ռազմական գործողության մեկնարկից հետո Լեհաստանի իշխանությունները իրական հնարավորություն ունեցան սկսելու իրենց ծրագրերը իրականացնել՝ հենվելով թե՛ Եվրամիության, թե՛ ԱՄՆ-ի քաղաքականության և աջակցության վրա։ Վերջին երեք տարիների ընթացքում Վարշավան շատ բան է արել երկրի զարգացումն ուղղորդելու դեպի ռազմականացում»,-գրում է պարբերականը։