Կանադան չի դառնա ԱՄՆ-ի մաս. վարչապետ Քարնի
Աշխարհ
Կանադայի նոր վարչապետ Մարկ Քարնին կրկնել է, որ իր երկիրը երբեք չի դառնա Միացյալ Նահանգների մաս, հաղորդում է The Globe and Mail-ը:
«Մենք երբեք, ոչ մի դեպքում չենք դառնա Միացյալ Նահանգների մի մասը։ Ամերիկան Կանադա չէ։ Մենք սկզբունքորեն տարբեր երկրներ ենք»,- ընդգծել է նա երդման արարողության ժամանակ։
59-ամյա Քարնին հաջորդել է Ջասթին Թրյուդոյին։ Վերջինս հունվարին հայտարարեց իր հրաժարականի մասին, սակայն մնաց իշխանության ղեկին այնքան ժամանակ, քանի դեռ Լիբերալ կուսակցությունը չի ընտրել մեկ այլ ղեկավարի։
Քարնին նաև ընդգծել է, որ Կանադան Միացյալ Նահանգների ամենամեծ հաճախորդն է «բազմաթիվ ոլորտներում»:
Ավելի վաղ ԱՄՆ նախագահ Դոնալդ Թրամփը Թրյուդոյի հետ զրույցում կատակով առաջարկել էր, որ Կանադան դառնա ԱՄՆ 51-րդ նահանգը, իսկ Թրյուդոն՝ նահանգապետ, եթե 25 տոկոս մաքսատուրքերը «սպանում են» Կանադայի տնտեսությունը։
«Ոչ մի կերպ Կանադան ԱՄՆ-ի մաս կդառնա», – ժամանակին ասել էր նախկին վարչապետը։
Քարնին վարչապետ ընտրվելուց հետո արդեն ասել է, որ Կանադան երբեք չի լինի Միացյալ Նահանգների մաս։ Հետո նա նշել է, որ ամերիկացիներին կանադական ռեսուրսներ են պետք՝ ջուր, հող, երկիր։
«Եթե նրանց հաջողվեր սա (երկրին տիրանալ-խմբ.), նրանք կկործանեին մեր ապրելակերպը»,- ասել է Քարնին։
ՈՒՂԻՂ ԵԹԵՐ
Ամենադիտված 
Ադրբեջանցի կապիտանը կեղծ անվան տակ փորձել է Հայաստանում կարևոր նշանակության օբյեկտների դրոնով արված կադրեր ստանալ (տեսանյութ)
