Ուկրաինան չպետք է «կռվարար լիներ» մեկի հետ, ով իրենից շատ ավելի մեծ է. Թրամփ
Աշխարհ
ԱՄՆ նախագահ Դոնալդ Թրամփը հայտարարել է, որ Ուկրաինան չպետք է «կռվարար լիներ» մեկի հետ, ով իրենից շատ ավելի մեծ է: Նրա խոսքերը մեջբերում է The Guardian-ը։
«Նույնիսկ գումար ունենալով», - ասել է Թրամփը Արդարադատության նախարարությունում իր ելույթի ժամանակ։
«Մենք նրանց (Կիևին) տվեցինք մեծ գումար և շատ սարքավորումներ: Մենք արտադրում ենք աշխարհի լավագույն ռազմական տեխնիկան։ Բայց նույնիսկ այդ ամենով հանդերձ՝ դա անհավանական է»,- հավելել է նա։
Թրամփը Ռուսաստանի նախագահ Վլադիմիր Պուտինի հետ իր հատուկ բանագնաց Սթիվ Վիտկովի հանդիպումից հետո ասել է, որ «շատ լավ հնարավորություններ կան» Ուկրաինայում հակամարտությունը դադարեցնելու համար։ Սակայն, նրա խոսքով, «ուկրաինական զինված ուժերի հազարավոր զինվորներ» շրջափակված են եղել Կուրսկի շրջանում։ Ամերիկացի առաջնորդն ասել է, որ ինքը «հրատապ խնդրել է» Պուտինին «փրկել նրանց կյանքը»։ Նա խոստացել է, որ ուկրաինական զորքերը «երաշխավորված կլինեն կյանքի և պատշաճ վերաբերմունքի համար», եթե նրանք վայր դնեն զենքերը և հանձնվեն։
Ավելի ուշ Թրամփը հայտնել է «լավ» շփումների մասին Ռուսաստանի և Ուկրաինայի հետ՝ կապված առաջարկվող հրադադարի հետ։
ՈՒՂԻՂ ԵԹԵՐ
Ամենադիտված 
Դիրքում բռնшբшրnւթյшն դեպքը տեսած, ապա սպшնված 3 զինվորների ծնողներն արդարադատություն են պահանջում (տեսանյութ)
