Ինչպես է Վաշինգտոնը համոզել Հունգարիային «նահանջել» և հանել հակառուսական պատժամիջոցների երկարաձգման դեմ առարկությունը. Politico

Հայտնի է դարձել՝ ինչպես է Վաշինգտոնին հաջողվել համոզել Բուդապեշտին «նահանջել» և հանել Եվրամիության հակառուսական պատժամիջոցների երկարաձգման դեմ առարկությունները, որոնք ավարտվում էին ընթացիկ տարվա հունվարին: Ինչպես հաղորդում է Politico թերթը, որոշումը կայացվել է Հունգարիայի արտաքին գործերի և արտաքին տնտեսական կապերի նախարար Պետեր Սիյարտոյի և ԱՄՆ պետքարտուղար Մարկո Ռուբիոյի հեռախոսազրույցից հետո, փոխանցում է EADaily-ն:

«ԱՄՆ պետքարտուղար Մարկո Ռուբիոն զանգահարել է Հունգարիայի արտաքին գործերի նախարար Պետեր Սիյարտոյին՝ կոչ անելով նրան թույլ չտալ եվրոպական դաշինքի պատժամիջոցների ռեժիմը», - նշում է թերթը:

Ըստ Politico-ի աղբյուրների՝ Սիյարտոյի զրույցը Ռուբիոյի հետ «օգնեց համոզել Բուդապեշտին նահանջել»: Հունգարիայի արտաքին գործերի նախարարությունը չի պատասխանել պարբերականի հարցումներին։

«Բայց Թրամփը կարող է ցանկացած պահի փոխել դիրքորոշումը՝ Ռուսաստանի հետ երկկողմ բանակցությունների շրջանակներում առաջարկելով պատժամիջոցների մեղմացում։ Եթե դա տեղի ունենա, ապա Եվրամիությունը կկորցնի հունգարացիներին զսպելու իր փորձերի առանցքային լծակը։ Հաշվի առնելով, որ նոր պատժամիջոցների երկարաձգման կամ ընդունման համար կոնսենսուս է պահանջվում, ինչը կարող է խնդիր դառնա», - հավելել է Politico-ն։