ԵՄ-ն ընդունել Է Ուկրաինային գումար ուղարկելու հետ կապված խնդիրները․ Reuters

ԵՄ երկրները պետք է համաձայնեցնեն «շատ մանրամասներ», նախքան Ուկրաինային 40 միլիարդ եվրոյի չափով նոր օգնություն հատկացնելու ծրագիր հաստատելը: Այս մասին հայտարարել է Եվրամիության արտաքին գործերի եւ անվտանգության քաղաքականության հարցերով գերագույն ներկայացուցիչ Կայա Կալասը, փոխանցում է Reuters-ը։

«ԵՄ-ում կա ընդհանուր քաղաքական աջակցություն այս նախաձեռնությանը, բայց դեռ շատ մանրամասներ կան, որոնք պետք է համաձայնեցվեն։ Այդ թեմայով պետք է խոսեն պաշտպանության նախարարները․ մենք մտադիր ենք լսել նաեւ նրանց կարծիքները», - նշել է նա։

Միևնույն ժամանակ, Կալասը հիշեցրել է, որ ԵՄ գագաթնաժողովում, որը տեղի է ունեցել մարտի 6-ին, որոշում է կայացվել ընդունել «որքան հնարավոր է շուտ» Կիևին օգնության նոր տրանշ ուղարկելու պլանը: