ՄԱԿ-ը կոչ է արել Եմենում դադարեցնել ռազմական գործողությունները

ՄԱԿ-ը կոչ է անում առավելագույն զսպվածություն ցուցաբերել և դադարեցնել բոլոր ռազմական գործողությունները Եմենում։ Այս մասին մարտի 16-ին ասված է ՄԱԿ-ի գլխավոր քարտուղարի պաշտոնական ներկայացուցիչ Ստեֆան Դյուժարիկի կողմից լրագրողներին տարածած հայտարարության մեջ։

«Ցանկացած հետագա սրացում կարող է սրել տարածաշրջանային լարվածությունը, վրեժխնդրության ցիկլեր առաջացնել, որոնք կարող են էլ ավելի ապակայունացնել Եմենը և տարածաշրջանը և լրջորեն սպառնալ առանց այդ էլ սարսափելի մարդասիրական իրավիճակին», - գրում է Al Jazeera-ն:

Բացի այդ, ըստ Դյուժարիկի, ՄԱԿ-ի գլխավոր քարտուղար Անտոնիո Գուտերեշը նույնպես կոչ է արել առավելագույն զսպվածություն ցուցաբերել և դադարեցնել բոլոր ռազմական գործողությունները Եմենում:

Եմենի առողջապահության նախարարության մամուլի ծառայությունը մարտի 16-ին հայտնել է, որ ԱՄՆ-ի հարձակման զոհերի թիվը հասել է 53-ի, 98-ը՝ վիրավորվել։

Մարտի 15-ին ԱՄՆ կենտրոնական հրամանատարությունը հայտարարեց Եմենում լայնածավալ գործողություն սկսելու մասին։ Անսար Ալլահ շարժման հութիներն իրենց հերթին ընդգծել են, որ ամերիկյան ավիահարվածներն անպատասխան չեն մնա։