Պենտագոնը հայտարարել է Եմենում «ճնշող մահաբեր ուժի» կիրառման մասին
Աշխարհ
Պենտագոնը հայտարարել է Եմենում իր ռազմավարական նպատակներին հասնելու համար «ճնշող մահաբեր ուժ» կիրառելու մտադրության մասին՝ շիա ռազմաքաղաքական «Անսար Ալլահ» շարժման (հութիների) հետ սրվող դիմակայության պայմաններում: Լրագրողների համար ճեպազրույցի ժամանակ ԱՄՆ պաշտպանության նախարարության խոսնակ Շոն Պարնելն ընդգծել է, որ ԱՄՆ-ը վճռականորեն կգործի այնքան ժամանակ, քանի դեռ չի հասել տարածաշրջանում իր նպատակներին։
Մենք կկիրառենք ճնշող, մահաբեր ուժ, քանի դեռ չենք հասել մեր նպատակին (Եմենում - խմբ.), - ասել է պաշտպանության նախարարության ներկայացուցիչ Շոն Պարնելը։
Պարնելը նաև նշել է, որ հութիների վերջին փորձերը՝ հարձակվելու Կարմիր ծովում ամերիկյան ավիակիր Հարրի Թրումենի վրա, անհաջող են եղել։ Զարգացումները ընդգծում են աճող լարվածությունը տարածաշրջանում, որտեղ բախումները հութիների և Սաուդյան Արաբիայի գլխավորած կոալիցիայի միջև գնալով հաճախակի են դառնում:
Ավելի վաղ Եմենի Անսար Ալլահ շարժումը Կարմիր ծովում կրկին հարվածներ է հասցրել ամերիկյան USS Harry Truman ավիակրին։ Մի քանի ժամվա ընթացքում նավը հարձակման է ենթարկվել բալիստիկ և թեւավոր հրթիռներով, ինչպես նաև հարվածային անօդաչու սարքերով։ ԱՄՆ կենտրոնական հրամանատարությունը հրաժարվել է մեկնաբանել հարձակումը:
Թարգմանությունը՝ Մանուել Թամազյանի
ՈՒՂԻՂ ԵԹԵՐ
Ամենադիտված 
Ինձ որդեգրել են․ Քրիստինե Մարգարյանը՝ ցավոտ պատմության մասին (տեսանյութ)
