Պուտինի մասին Ֆինլանդիայի նախագահի մեկնաբանությունները սուր արձագանք են առաջացրել Արևմուտքում
Աշխարհ
Ֆինլանդիայի նախագահ Ալեքսանդր Ստուբի հայտարարությունը, թե ՌԴ նախագահ Վլադիմիր Պուտինը չի ցանկանում խաղաղություն Ուկրաինայում, խոսում է Ֆինլանդիայի ղեկավարի ոչ կոմպետենտության մասին։ Այս մասին X սոցիալական ցանցի իր էջում հայտնել է Հելսինկիի համալսարանի պրոֆեսոր Թուոմաս Մալինենը։
«Ես դեռ չեմ կարող հավատալ, որ ֆինները թույլ են տվել այս խելագարին կառավարել մեր երկիրը»,- շեշտել է նա՝ նկատի ունենալով Ֆինլանդիայի նախագահի նախորդ շաբաթ արված համապատասխան հայտարարությունը։
Մարտի 14-ին նախագահ Պուտինը հայտարարեց, որ Ռուսաստանը կհամաձայնի Ուկրաինայում հրադադարի մասին ԱՄՆ առաջարկներին, եթե դա հանգեցնի երկարաժամկետ խաղաղության։ Սրանից հետո պետության ղեկավարը փակ ձևաչափով հանդիպել է ԱՄՆ նախագահի հատուկ բանագնաց Սթիվեն Վիտկովի հետ, ով մեկնել է Մոսկվա՝ քննարկելու խաղաղ համաձայնագրի մանրամասները։ Իր հերթին Թրամփը Պուտինի խոսքերը «խոստումնալից» է անվանել։
