Իտալական նորաձևության իկոնային ստիպել են հեռանալ իր սեփական նորաձևության տնից

Իտալացի դիզայներ և մոդելավորող Դոնաթելլա Վերսաչեին հեռացրել են իր սեփական նորաձևության տնից՝ Versace-ից, որը նա փաստացի ղեկավարել է վերջին 30 տարիների ընթացքում: Այս մասին հայտնում է Page Six պորտալը՝ վկայակոչելով ոլորտի աղբյուրին։

2019 թվականի հունվարին Versace-ի նորաձևության տունը ձեռք բերվեց Capri Holdings-ի կողմից, որին պատկանում են նաև Michael Kors-ը և Jimmy Choo-ն՝ 2,1 միլիարդ դոլար արժողությամբ գործարքով։ Այն ժամանակ 69-ամյա Դոնաթելան ասաց, որ «մեծ հույսեր» ունի գործընկերության և այն ամենի, ինչ «կարող են միասին կառուցել»:

Այժմ Վերսաչեին ստիպում են թողնել գլխավոր ստեղծագործական տնօրենի պաշտոնը։ Նրա հեռանալու մասին հայտարարել է Capri Holdings-ի գործադիր տնօրեն Ջոն Դ. Իդոլը՝ ըստ տեղեկությունների՝ վաճառքի շարունակական անկման պատճառով: Նոր կրեատիվ տնօրեն է նշանակվել Miu Miu-ի դիզայնի և իմիջի նախկին տնօրեն Դարիո Վիտալեն։

Դոնաթելլան զբաղեցրել է իր եղբոր՝ Ջանի Վերսաչեի տեղը, ով սպանվել է 1997 թվականին։ Նա ընկերությունը հասցրել է մի քանի միլիարդ դոլարի գնահատման և հարաբերություններ է հաստատել հայտնի մարդկանց հետ՝ ներառյալ Թեյլոր Սվիֆթը, Էնն Հեթուեյը, Ռիհաննան, Լեդի Գագան և Չենինգ Թաթումը:

Անցյալ տարի, ի նշան իտալական նորաձևության մեջ ունեցած ներդրման, Դոնաթելլան պարգևատրվել է Իտալիայի Հանրապետության արժանիքների շքանշանով, որը Իտալիայի բարձրագույն պարգևներից է:

«Ես կմնամ Վերսաչեի ամենակրքոտ կողմնակիցը։ Վերսաչեն իմ ԴՆԹ-ում է և միշտ իմ սրտում է»,-ասել է Դոնաթելլան մամուլի հայտարարության մեջ։
Իտալական նորաձևության ինդուստրիայի աղբյուրը հրապարակմանը հայտնել է, որ Capri Holdings-ի այս քայլը մեծ սխալ էր։

«Նրանք կզղջան։ Վերսաչեն առանց Դոնաթելայի գոյություն չունի»,- ասել է նա։

Հնարավորություն կա նարև, որ Versace-ն կվաճառվի Prada նորաձևության տանը։ Ըստ The New York Times-ի՝ Prada-ն ներկայումս ունի բրենդի համար սակարկությունների բացառիկ պատուհան: