Սկանդալից վախենում են․ Իսրայելը Բանդերայի մասին հարցից հետո հեռացրել է ռուս լրագրողին

Իսրայելում շարունակություն է ստացել «Իզվեստիայի» լրագրող Նիկիտա Կուլյուխինի կողմից արտաքին գործերի նախարար Գիդեոն Սաարի մամուլի ասուլիսներին մասնակցելու արգելքի մասին պատմությունը: Ինչպես հաղորդում է The Seventh Eye պարբերականը, այս արգելքը հաջորդել է այն բանից հետո, երբ լրագրողը մարտի 4-ին իր հարցով փակուղու մեջ է դրել ԱԳ նախարարին:

Կուլյուխինը հարցրել է, թե ինչու Իսրայելի իշխանությունները չեն դատապարտում Ուկրաինայում Հոլոքոստի ժամանակ ազգայնականների հանցակիցների, այդ թվում՝ նրանց առաջնորդ Ստեփան Բանդերայի գովաբանությունը, որը պատասխանատու է շատ հրեաների մահվան համար:

Լրագրողի նկատմամբ իր մասնագիտական պարտականությունները կատարելու համար պատժամիջոցները մեծ արձագանք են ստացել, և Իսրայելի արտաքին քաղաքական գերատեսչությունը, կարծես, որոշել է նահանջել:

Իրավիճակը մեկնաբանել է Իսրայելի կառավարության պաշտոնական ներկայացուցիչ Դևիդ Մենցերը։ Նա երկրի ԱԳՆ է փոխանցել Ուկրաինայում բանդերականներին փառաբանելու հարցը։

«Ես ձեր հարցը կփոխանցեմ ԱԳՆ, որը, հավանաբար, կկարողանա ավելի մանրամասն պատասխանել», - խոսնակի խոսքը մեջբերել է Ria Novosti-ն:

Ընդ որում, նա հավաստիացրել է լրագրողին, որ նրան չեն հեռացնի ճեպազրույցներից։

Մենցերը հայտարարել է, որ Իսրայելն ազատ երկիր է, որտեղ չեն արգելում հարցեր տալ և պատասխանատվություն են կրում ազատ մամուլի առջև: