Ղազախստանում USAID-ի գործունեության վերլուծություն կիրականացնեն

Ղազախստանի ԱԳՆ-ում բոլոր շահագրգիռ պետական մարմինների մասնակցությամբ ստեղծվել է աշխատանքային խումբ, որը ուսումնասիրելու է USAID-ի կողմից ֆինանսավորվող նախագծերն ու ծրագրերը՝ հայտարարված նպատակները փաստացի արդյունքներին համապատասխանեցնելու համար: Այս մասին հայտնում է RTVi-ն՝ վկայակոչելով փաստաթուղթը։

Իշխանությունները նախատեսում են նաև բացահայտել ծածկույթի հնարավոր սխեմաները, միջոցների օգտագործման անհամապատասխանությունները և շահերի բախումը: Կուսումնասիրվեն USAID-ի կապերը կազմակերպությունների, այդ թվում՝ կառավարական եւ ոչ պետական կազմակերպությունների հետ, որպեսզի գնահատեն այդ կապերի հնարավոր ազդեցությունը գործակալության նպատակների վրա, ասված է Ղազախստանի փոխվարչապետ Սերիկ Ժումանգարինի ստորագրությամբ պատասխանում պատգամավորների հարցմանը:

Հարցումը նախաձեռնել են ղազախստանցի հինգ պատգամավորներ։ Նրանք դիմել են կառավարությանը՝ պահանջելով ստուգել և հրապարակել արտասահմանյան հովանավորների կողմից հատկացվող դրամական միջոցների վերաբերյալ բոլոր հաշվետվությունները։

ԱՄՆ Պետքարտուղարության տվյալների համաձայն՝ 2024 թվականին ԱՄՆ USAID-ի հետ իրականացվել է 28 ծրագիր տարբեր ուղղություններով։ Ընդհանուր առմամբ 2023-2024 թվականներին ԱՄՆ USAID-ն Ղազախստանում իրականացվող ծրագրերին հատկացրել է 26,5 մլն դոլար։

Առանձին նախագծեր ընդգրկում են ոչ միայն Ղազախստանը, այլև Կենտրոնական Ասիայի երկրները։ Փաստաթղթի տեքստի համաձայն՝ USAID-ի հետ համագործակցում են նաև պետական մարմինները։