Միխայիլ Եֆրեմովը նախատեսում է մեծ շուքով նշել բանտից ազատվելը

Վերջերս ԶԼՄ-ները ակտիվորեն քննարկում էին 61-ամյա դերասան Միխայիլ Եֆրեմովի հնարավոր վաղաժամկետ ազատումը Բելգորոդի շրջանի քրեակատարողական գաղութից: Ինքը՝ Միխայիլ Եֆրեմովը, արագ ազատության մեծ հույս ունի։ Լրագրողներին հասանելի է եղել հեռախոսազրույցը, որտեղ Միխայիլ Եֆրեմովը շնորհավորում է ընկերոջը ծննդյան օրվա առթիվ և խոստանում, որ շուտով ազատ կարձակվի՝ նշելու այդ իրադարձությունը:

«Շնորհավորում եմ ծննդյանդ առթիվ։ Սպասիր մեզ, շուտով մենք բոլորս դուրս կգանք և հրեշավոր շարժում կստեղծենք Բելգորոդի մարզում»,- ընկերոջը խոստացել է Միխայիլ Եֆրեմովը։

Նրա՝ պայմանական վաղաժամկետ ազատման դիմումը դատարանը կքննի մարտի 24-ին։ Դերասանի շրջապատից շատերը կարծում են, որ նա պետք է ազատ արձակվի՝ առողջական վատթարացման պատճառով։

Իվան Օխլոբիստինը, Միխայիլ Եֆրեմովի վաղեմի ընկերը և դերասանական մասնագիտության գործընկերը, անկեղծորեն անհանգստացած է նրա համար։ Նա մտավախություն ունի, որ ճաղերի հետևում գտնվելը կարող է վնասակար ազդեցություն ունենալ Միխայիլի առողջության վրա։ Իվանը նշում է, որ Եֆրեմովը, թեև դատապարտված է ծանր հանցագործության համար, բայց մնում է բարի մարդ, ով միշտ օգնել է կարիքավորներին։

Հիշեցնենք, որ Միխայիլ Եֆրեմովը գրեթե հինգ տարի է, ինչ բանտում է, Նա դատարանի որոշմամբ դատապարտվել է ճանապարհատրանսպորտային պատահարի համար, որի ժամանակ մարդ է մահացել։ Մահվան ելքով վթար, որի մեղավորը Միխայիլ Եֆրեմովն էր, տեղի է ունեցել 2020 թվականի հունիսին Մոսկվայի կենտրոնում։

Թարգմանությունը՝ Մանուել Թամազյանի