Ղազախստանի նախագահը ատոմային էներգիայի գործակալություն է ստեղծել

Ղազախստանի նախագահ Կասիմժոմարտ Տոկաևը ստեղծել է Ատոմային էներգիայի գործակալություն՝ ստորագրելով հրամանագիր պետական կառավարման համակարգի կատարելագործմանն ուղղված միջոցառումների մասին: Հրամանագիրը փոխանցում է ՏԱՍՍ-ը։

Նոր կառույցը ենթարկվելու և հաշվետու է լինելու անմիջապես նախագահին և ստանձնելու է հանրապետության Էներգետիկայի նախարարության գործառույթների մի մասը:

Այն գլխավորելու է էներգետիկայի նախկին նախարար Ալմասադամ Սատկալիևը։

Գործակալության գործառույթներն են լինելու ատոմային էներգիայի օգտագործումը, բնակչության ճառագայթային անվտանգության ապահովումը, ինչպես նաև Սեմիպալատինյան միջուկային անվտանգության գոտու ստեղծումն ու գործունեությունը: