Թրամփը Պուտինի հետ զրույցն անվանել է շատ լավ և արդյունավետ
Աշխարհ
ԱՄՆ նախագահ Դոնալդ Թրամփը երեքշաբթի հայտարարել է, որ իր հեռախոսազրույցները ՌԴ նախագահ Վլադիմիր Պուտինի հետ արդյունավետ են եղել։
«Իմ հեռախոսազրույցը Ռուսաստանի նախագահ Պուտինի հետ այսօր շատ լավ էր և արդյունավետ»,- գրել է նա Truth Social-ում։
Նա նշել է, որ Պուտինի հետ քննարկել է խաղաղ կարգավորման բազմաթիվ տարրեր։
«Մենք պայմանավորվեցինք անհապաղ զինադադարի մասին բոլոր էներգետիկ ենթակառուցվածքներում, հասկանալով, որ արագ կաշխատենք հասնել ամբողջական զինադադարի և վերջապես վերջ տալ Ռուսաստանի և Ուկրաինայի միջև այս սարսափելի պատերազմին», - բացատրել է Թրամփը:
Նա ընդգծել է, որ թե՛ Պուտինը, թե՛ Ուկրաինայի նախագահ Վլադիմիր Զելենսկին ցանկանում են, որ հակամարտությունը դադարեցվի։ Թրամփը վստահեցրել է, որ կարգավորման գործընթացը «այժմ ընթանում է ամբողջ թափով» և հույս է հայտնել, որ «աշխատանքը կարող է ավարտվել»։
Թրամփը նաև կրկնել է, որ Ուկրաինայի շուրջ ճգնաժամը չէր լինի, եթե այդ ժամանակ ԱՄՆ նախագահը լիներ։
Թարգմանությունը՝ Մանուել Թամազյանի
ՈՒՂԻՂ ԵԹԵՐ
Ամենադիտված 
Ադրբեջանից ներմուծված բենզինը պետք է մնա բենզալցակայաններում, չպետք է օգտվեն դրանից (տեսանյութ)
