Նոր աշխարհակարգ է ձևավորվում․ Եվրահանձնաժողովի ղեկավար

Այս տասնամյակի երկրորդ կեսին կստեղծվի նոր աշխարհակարգ, և Եվրոպան պետք է պատրաստվի դրան և գործի հենց հիմա՝ զարգանալով առաջին հերթին անվտանգության ոլորտում։ Այս մասին ասել է Եվրահանձնաժողովի նախագահ Ուրսուլա ֆոն դեր Լեյենը՝ ելույթ ունենալով Դանիայի թագավորական ռազմական ակադեմիայում։

«Եվրոպան պատրաստ է մի քայլ առաջ գնալ։ Մենք պատրաստ ենք վերահսկողության տակ վերցնել այն փոփոխությունները, որոնք անխուսափելի են։ Որովհետև մենք չենք կարող մեզ թույլ տալ, որ մեզ առաջնորդի պատմությունը: Սա նշանակում է, որ հիմա պետք է գործողություններ ձեռնարկվեն։ Մինչև 2030 թվականը արագության, մասշտաբի և ուժի նախապայմանն է մեծ քայլերով գործելը։ Մինչև 2030 թվականը Եվրոպան պետք է ունենա ուժեղ եվրոպական պաշտպանական կառույց», - ասել է նա։

Ֆոն դեր Լեյենն ասել է, որ մարտի 19-ին ինքը կներկայացնի «Պատրաստություն 2030» ռազմավարության ճանապարհային քարտեզը, որը ներառում է վերազինում և «զարգացող կարողություններ՝ վստահելի զսպում ապահովելու համար»: