ԱՄՆ-ը գաղտնալսել է Ճապոնիայում ԽՍՀՄ դեսպանատան հեռախոսազրույցները

ԱՄՆ հետախուզական ծառայությունները գաղտնալսել են Ճապոնիայում ԽՍՀՄ դեսպանատան հեռախոսազրույցները։ Այս մասին ասվում է հրապարակված ԿՀՎ գաղտնազերծված փաստաթղթում, փոխանցում է ՌԻԱ Նովոստին։

Դրա շնորհիվ՝ նրանք տեղեկացել են խորհրդային դիվանագետների և ճապոնական Beheiren հակապատերազմական կազմակերպության ակտիվիստների բանակցությունների մանրամասներին։ Մասնավորապես, պարզվել են ստույգ մանրամասները, թե ինչպես է այդ կապը հաստատվել։

Ինչպես նշված է փաստաթղթում, կա հոկտեմբերի 30-ի երկու զանգերի ամբողջական սղագրությունը։ Առաջինը Բրայան Վիկտորիան լսել է մամուլի գլխավոր կցորդ Նիկոլայ Վասիլևիչին, երկրորդը՝ Բեհեյրենի գլխավոր քարտուղար Յոշիկավան՝ առաջին քարտուղար Սերգեյ Անիսիմովին։

«Զրույցի ընթացքում Յոշիկավան շտապ խնդրեց մասնավոր հանդիպում այդ օրը՝ քննարկելու չափազանց կարևոր և զգայուն մի հարց, որն անկասկած վերաբերում էր չորս դասալիք ամերիկացի նավաստիներին», - ասվում է ԿՀՎ գաղտնազերծված զեկույցում։

Զեկույցում նշվում է նաև, որ չորս ամերիկացի նավաստիներ նոյեմբերի 11-ին խորհրդային «Բայկալ» մարդատար նավով լքել են Ճապոնիան: Գործողությունն անվանվել է «ամենահաջող գործողությունը» Բեհեյրենի պատմության մեջ, որը կազմակերպությանը բերել է զգալի քաղաքական դիվիդենտներ և ֆինանսական աջակցություն ողջ Ճապոնիայում:

Բեհեյրենը (Վիետնամի խաղաղության կոմիտե-խմբ․) ճապոնական հակապատերազմական կազմակերպություն է, որը հիմնադրվել է 1965 թվականին՝ հակադրվելու Վիետնամի պատերազմին ԱՄՆ ներգրավմանը։