Կանադային «վիճակված է» դառնալ ԱՄՆ 51-րդ նահանգը․ Թրամփ

Չնայած այն հանգամանքին, որ Կանադան ամենավատ գործընկերն է Միացյալ Նահանգների հետ բանակցելու համար, ապագայում նրան վիճակված է դառնալ ԱՄՆ 51-րդ նահանգը: Այս մասին Fox News հեռուստաալիքին տված հարցազրույցում հայտարարել է նախագահ Դոնալդ Թրամփը։

Մեկնաբանելով հյուսիսային հարևանի հետ հարաբերությունները՝ Սպիտակ տան ղեկավարը նշել է, որ կանադացիները «ամենավատ մարդիկ են բանակցությունների համար»:

Պատասխանելով հեռուստաալիքի այն հարցին, թե ինչու է Կանադայի հետ ավելի կոշտ գործում, քան ԱՄՆ-ի մրցակիցների հետ, Թրամփը հայտարարել է, որ միայն այն պատճառով, որ նրան վիճակված է լինել ամերիկյան 51-րդ նահանգը:

Միացյալ Նահանգներին անհրաժեշտ է Կանադայի տարածքային առավելությունը:

Թրամփը քննադատել է Կանադայի նախկին կառավարությանը՝ Ջասթին Թրյուդոյի գլխավորությամբ և նրա ներկայացուցիչներին անվանել «չար և անազնիվ» մարդիկ: